॥ विघ्नविनाशकस्तोत्रम् ।।
ईशानो ढुंढिराजो गणपतिरखिलाघौघनाशो वरेण्यो
देवानामग्रगण्यः सकलगुणनिधिर्योग्र पूजाधिकारी।
विद्याधीशो बलिष्ठः षडरिविदलनः सिद्धिबुद्धिप्रदाता
जीवानां मुक्तिहेतुर्जयति भवहरः श्रीगुरुः सौख्यसिन्धुः।।१।।
विघ्नान्हन्तीति योसौ श्रुतिषु निगदितो विघ्नहेतिप्रसिद्धो
व्यक्ते वाव्यक्तरूपे प्रणववपुरयं ब्रह्मरूपः स्वमात्रः ।
यो व्यक्तो भक्तहेतुर्निरवधिरमलो निर्गुणो निष्क्रियोऽपि
भक्तानां मुक्तिहेतौ विदलयति कृतं मायिकस्याद्वयः सः।।२।।
सर्पो रज्जुर्हि यद्वन्न भुजग इति सा कथ्यते रज्जुसर्पे
विश्वं ब्रह्मैव तद्वन्नच जगदिति तत्खल्विदं ब्रह्म वाक्ये।
सत्तासामान्यरूपात्कथितमपि च यो दृश्यरूपो न तादृग् दृश्यं यद्विघ्नकृत्स्यात्तदपनयति यो बोधतो विघ्नहाऽयम् ।।३।।
सर्वं ब्रह्मस्वरूपं परमपरयुतं विश्वमाभाति यच्च
चैतन्यस्याद्वयत्वात् गदित इति च यो दृश्यरूपोऽप्यरुपः।
माया तत्सर्वकार्य जडमिति कथितं यं विनाऽभावमेति
सर्वत्रावस्थितत्वात्तदनुभव इति स्वादनाद्योऽद्वयः सः ।।४।।
भात्यस्त्यानन्दरूपोसदसुखजडतारूपदृश्येऽस्ति यो वै
नित्यो नित्यादिकानां भवति किल तथा चेतनश्चेतनानाम् ।
सर्वस्यैतस्य मायाकृतसुखमिह यत्प्रार्थ्यते तद्गणेशो
यस्तं सर्वादिभूतं भजत जगति भो ! सारभूतं वरेण्यम्।।५।।
नित्यं यन्निर्विकारं निरतिशयसुखं ब्रह्म तन्मत्स्वरूपं
ज्ञात्वा विश्वातिभूतः सकलविदलयन् स्वार्चिषास्वस्थ आसे।
माया तत्कार्यमेतत् स्पृशति न मयि वा दृश्यते नाविरासीन्
मायायाः सर्वशक्तेः पर इति सततं यः स एवाद्वयोऽहम् ।।६।।
श्रीगणेश प्रातःस्मरण स्तोत्र एक पवित्र प्रातःकालीन स्तोत्र है जिसका पाठ भगवान गणेश के प्रति श्रद्धा, कृतज्ञता और मंगलकामना व्यक्त करने के लिए किया जाता है। यह स्तोत्र प्रातःकाल स्मरण करने से बुद्धि की वृद्धि, कार्यों में सफलता, बाधाओं का नाश, तथा जीवन में शुभता का वास होता है।भगवान गणेश विघ्नहर्ता, मंगलकर्ता और विद्या-बुद्धि के दाता है। इस स्तोत्र का नियमित पाठ मन को शुद्ध करता है,
